facebook
Jesteś na → Strona główna→ Piknik folkowy już za nami!

Piknik folkowy już za nami!

Piknik folkowy już za nami!

10 października we sobota na piyknym placu przy świetlicy w Bełsznicy spotkały sie bajtle, gryfne frelki i karlusy oroz fest uśmiychnyte gospodynie Bełsznickie.

Nie wygoniyła nos ani zima na dworze, co sie nagle zrobiyła, ani wiater co nom wywiywoł wszelki graczki. Uciechy było i tak wiela. Pani Wiesia pichciyła kiełbaski z grila, chlyb z fetym i pieczone zimioki, zaś pani Ewelina gotowała nom konkurencyje. Trzabyło się postarać coby punkty do koszyka nazbiyrać.

Ciepali my zimiokami do wiadra, skokali my przez skokanki, plytli my warkocze na czas i wartko my lotali obleczyni w chusty i fortuchy, coby przeniyść w inksze miejsce zimioki. Chłopoki kopali fusbal, a dziołchy dmuchały balony z napisami: Lubię Folk - Działam Lokalnie. Fest nom się podobało, smakowało i było nom zocne być razym! Wszyskim dzieckom za taki zzangażowani i fajno zabawa organizatorzy przyszykowali bombony, kiere ciepnyte ze scyny bajtle wartko zbiyrały do kapsów. Jak my sie pobawiyli, pojedli i nacieszyli sobom to my poszli kożdy ku swoi chałpie co by się ogrzoć i poopowiadać łojcom jak to piyknie je spyndzać czas z domym kultury i świytlicami! Emotikon smile Tako impreza mogli my zorganiozwać dziynki projektowi kiery już od lipca działo u nos, a zwie sie Folkowe Art Akcje. Obejrzyjcie se zdjyncia!

 

 

Zobacz fotorelację

 

http://www.wdk.czyzowice.net/

https://www.facebook.com/WDKCzyzowice/posts/838213629631346

 

 

Kalendarz imprez

Kontakt

LGD Lyskor LGD Morawskie Wrota LGD Ziemia Pszczyńska

KREATOR © 2011 Wszelkie prawa zastrzeżone.
EFR
Europejski Fundusz Rolny na rzecz Rozwoju Obszarów Wiejskich: Europa Inwestująca w obszary wiejskie. Projekt współfinansowany ze środków Unii Europejskiej w ramach osi 4 Leader PROW 2007-2013.